Apple компаниясининг капиталлашуви бир кунда рекорд даражада ошди

Ўз 12-11-2022, 00:28

Apple’нинг бозор қиймати 10 ноябрь куни 190,9 миллиард долларга ошиб, 2,34 триллион долларга етди. Бу фонд бозори тарихидаги Америка компанияси капиталлашувининг энг сезиларли ўсишидир. Бу ҳақда Bloomberg хабар бермоқда.

: Фото: Bloomberg

Компаниянинг капиталлашуви — бу унинг биржадаги акцияларининг қиймати.

Агентлик маълумотларига кўра, Apple акциялари АҚШ фонд бозоридаги кенгроқ кўтарилиш фонида 8,9 фоизга ўсди. Apple энди кунлик бозор қийматини ошириш бўйича тўртта рекордга эга.

Агентликнинг таъкидлашича, ушбу ўсиш Amazon’нинг февраль ойидаги 190,8 миллиард долларлик ўсишидан ошиб кетди.

Бироқ сўнгги пайтларда нархларнинг ўсишига қарамай, Apple акциялари йил бошидаги даражадан деярли 20 фоиз пастлигича қолмоқда, ўша пайтда уларнинг нархи 182 доллардан ошган.

Аввалроқ Apple қаторасига ўнинчи марта дунёдаги энг қиммат бренд деб эълон қилингани ҳақида хабар берилганди.

Manba: Daryo.uz