Ўзбекистон мактабларида маънан эскирган компьютер синфларини янгилаш учун 400 млрд сўм маблағ ажратилади

2023–2024 йилларда Ўзбекистондаги мактабларда маънан эскирган компьютер синфларини янгилаш учун 400 миллиард сўм маблағлар ажратилади. Бу ҳақда «Халқ таълимини ривожлантиришга оид қўшимча чора-тадбирлар тўғрисида»ги президент қарорида сўз боради.Унга кўра, 2023–2024 йилларда мактабларда маънан эскирган компьютер синфларини янгилаш бўйича дастурни молиялаштириш учун республика бюджети ҳисобидан 200 миллиард сўм, маҳаллий бюджетлар ҳисобидан 200 миллиард сўм миқдорда маблағлар ажратилади.Шунингдек 2022/2023-ўқув йилидан бошлаб 400 нафаргача ўқувчиси бўлган умумий ўрта таълим муассасаларида интернет тезлигини камида 40 Мбит/сония, ўқувчилар сони 400 нафардан юқори бўлганларда – камида 100 Мбит/сония бўлиши таъминланади. Интернетга улаш учун зарур маблағларни ажратиш вазифаси Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига топширилди.Аввалроқ Ўзбекистонда мактаб директори лавозимига номзодлар фақат менежерлик сертификатига эга бўлган шахслар орасидан танлаб олиниши тўғрисида хабар берилганди.Мавзуга доир:  Ўзбекистондаги барча мактабларда аутсорсинг усулида соғлом овқатлантириш йўлга қўйилиши мумкин «Ўзбекистонда 56 фоиз ўқитувчилар салоҳияти талаб даражасида эмас» — халқ таълими вазири

Manba: Daryo.uz