Тошкентда қайнона уч нафар фарзанди бор келинини пичоқлаб ўлдирди

Ижтимоий тармоқларда Тошкентда қайнона келинини ўлдиргани ҳақида хабарлар тарқалди. Бош прокуратура матбуот хизмати ҳолатга муносабат билдириб, гумонланувчига нисбатан қамоққа олиш эҳтиёт чораси қўлланилганини маълум қилди.Аниқланишича, 5 май куни соат 10:00 ларда Тошкент тумани, Чинор 7-тор кўчасида яшовчи 67 ёшли аёл келини (1985 йилда туғилган, 3 нафар фарзанди бор) билан ўзаро оилавий келишмовчилик сабабли жанжаллашган. Жанжал давомида аёл ошхона пичоғи билан келинининг чап кўкрак қисмига бир маротаба зарба берган. Олган тан жароҳати туфайли жабрланувчи шифохонага ётқизилган.Шифокорлар томонидан кўрсатилган зарур тиббий муолажаларга қарамасдан 9 май куни келин шифохонада вафот этган.Мазкур ҳолат юзасидан Жиноят кодексининг 104-моддаси (қасддан баданга оғир шикаст етказиш) билан жиноят иши қўзғатилган.Айбланувчи аёлга нисбатан қамоққа олиш эҳтиёт чораси қўлланилган. Тошкент тумани ИИБ Тергов бўлими томонидан тергов ҳаракатлари олиб борилмоқда.Бундан олдин Фарғонада 45 ёшли эркак хотинини болта билан чопиб ташлагани, Сирдарёда хотинини фарзандининг олдида 14 марта пичоқлаб ўлдирган эркак 17 йилга қамалгани, Бухорода қўшни аёлни ўроқ билан жароҳатлаб ўлдирган шахс қўлга олингани тўғрисида хабар берилганди.Мавзуга доир:  Фарғонада қўшнисининг ҳомиладор келинини пичоқлаб ўлдирган эркак 20 йилга қамалди Наманганда муқаддам қотилликка қўл урган қайнота 31 яшар келинини пичоқлаб, ўлдириб қўйди

Manba: Daryo.uz