АПЛ. «Тоттенҳэм» Лондон дербисида «Арсенал»ни йирик ҳисобда мағлуб этди, Кейндан дубль

Ўз 10
Футбол бўйича Англия Премьер Лигасининг 22-туридан ўрин олган қолдирилган ўйинда «Тоттенҳэм» 12 май, пайшанба куни «Арсенал» билан баҳс олиб борди. Фото: Getty Images«Тоттенҳэм» мезбонлигида ўтган ўйин «шпорлар»нинг йирик ғалабаси билан якунланди. 22-дақиқада Ҳарри Кейн пенальтидан ҳисобни очди, 37-дақиқага келиб, Кейн бурчакдан оширилган тўпни боши билан дарвозага йўллаб, дублни расмийлаштирди. Иккинчи бўлим аввалида эса Сон Ҳён Мин жарима майдончаси ичидан ажойиб зарбаси билан ҳисобни йирик кўринишга олиб келди — 3:0.Қайд этиш керак, «тўпчилар» 33-дақиқадан бошлаб майдонда бир киши кам бўлиб қолди. Роб Ҳолдинг қизил карточка олиб, майдонни шерикларидан эрта тарк этди.Шу тариқа «Тоттенҳэм» кутилмаганда Лондон дербисида «Арсенал»ни тор-мор келтирди. Ғалабадан кейин Антонио Конте жамоасининг очколари сони 65 тага етди, жамоа 5-ўринда бормоқда. 4-ўриндаги «Арсенал»нинг ҳисобида 66 очко мавжуд. Чемпионлар Лигаси йўлланмаси учун курашаётган жамоалар ўртасидаги фарқ мусобақа якунланишига икки тур қолганида бир очкони ташкил қилмоқда.АПЛ22-тур баҳси12 май, пайшанба«Тоттенҳэм» – «Арсенал» 3:0Голлар: 1:0 – 22, пенальти Кейн, 2:0 – 37 Кейн, 3:0 – 47 Сон Ҳён Мин.«Тоттенҳэм»: Льорис, Emerson, Дайер, Дэвис (Родон, 82), Санчес, Сессеньон, Сон Ҳён Мин (Бергвейн, 72), Ҳейберг, Бентанкур, Кулусевски (Лукас Моура, 72), Кейн.«Арсенал»: Рэмсдейл, Соареш, Ҳолдинг, Габриэль (Нуну Тавареш, 76), Томиясу, Жака, Эн-Ненни, Эдегор, Нкетиа (Ляказетт, 73), Мартинелли (Смит-Роу, 64), Сака.Огоҳлантиришлар: Дэвис (17), Ҳолдинг (26), Смит-Роу (86), Эдегор (88), Жака (90).Четлатишлар: Ҳолдинг (33).

Manba: Daryo.uz